Llawr-geiriosen
About Cherry Laurel
Caiff y llawr-geiriosen ei defnyddio’n gyffredin i ffurfio gwrych preifatrwydd yng ngerddi'r DU, oherwydd ei gallu i dyfu'n gyflym a’i rhinweddau bytholwyrdd. Yn anffodus mae'n achosi problemau i blanhigion ac anifeiliaid brodorol y DU. Mae gan y llawr-geiriosen ddail hirgrwn, sgleiniog, gwyrdd tywyll. Mae'r blodau yn wyn, ac mae'r ffrwythau'n debyg i geiriosen fach ac yn cynnwys hedyn.
Y broblem
- Mae’r llawr-geiriosen yn oddefgar iawn i brinder dŵr, felly gall dyfu mewn amodau caled.
- Mae'n fytholwyrdd ac yn tyfu'n gyflym, felly mae'n creu cysgod yn gyflym dros blanhigion Prydeinig brodorol neu’n eu disodli, drwy gydol y flwyddyn. Mae hyn yn lleihau amrywiaeth planhigion sy'n newid y cynefin lleol ac yn arwain at golli bywyd gwyllt.
- Mae adar yn bwydo ar y ffrwythau coch gan achosi i'r hadau y tu mewn i gael eu gwasgaru dros bellterau mawr mewn baw adar.
- Ychydig iawn o fywyd gwyllt sy'n cael ei gynnal gan wrychoedd llawr-geirios o’u cymharu â gwrychoedd brodorol.
Yr Ateb
Yn anffodus, mae’r llawr-geiriosen yn cael ei defnyddio’n eang ar draws y DU mewn parciau a gerddi. Os oes gennych wrych llawr-geirios, ystyriwch roi rhywogaethau llydanddail brodorol o wrychoedd yn ei le sy’n gallu cynnal planhigion a bywyd gwyllt sy’n frodorol i Brydain.
Prosiect Llwybr Mawr Morgannwg
Fel rhan o'n prosiect, rydym wedi llwyddo i gael gwared ar lawr-geirios estron goresgynnol mewn sawl safle ar draws de-canolbarth Cymru. Cafodd y llawr-geirios ei newid am gymysgedd o rywogaethau llydanddail brodorol a fydd yn darparu preifatrwydd, amrywiaeth o blanhigion a chynefin brodorol.