Adeiladu Gwesty Bwystfilod Bach yn Eich Gardd
Rhestr Offer
Gofynnwch i oedolyn am help wrth gario pethau trwm
- Paletau neu slatiau pren
- 4 bricsen
- Hen lechi to / pren / deunydd i wneud to gwrth-ddŵr
- Cwmpawd (dewisol)
Casglwch ddeunydd gwastraff bioddiraddadwy fel:
- Tiwbiau cardfwrdd
- Brics â thyllau ynddynt
- Bambŵ neu goesynnau gwag (gofynnwch i oedolyn dorri deunyddiau i hyd y palet neu'n llai)
- Rhisgl
- Boncyffion
- Brigau
- Cerdyn rhychiog
- Gwellt
- Dail
- Conau pinwydd (neu foch coed)
Dull
- Casglwch gymaint o ddeunydd gwastraff bioddiraddadwy ag y gallwch chi (gweler rhestr)
- Penderfynwch ble i adeiladu eich gwesty pryfed. Am y canlyniadau gorau, dewiswch ardal rannol gysgodol, heulog sy'n wynebu’r de. Bydd hyn yn denu gwenyn unig
- Rhowch 4 bricsen ar gorneli eich gwesty a rhowch y palet ar ei ben. Gwnewch yn siŵr bod y palet yn gadarn. Efallai y bydd angen i chi balu’r brics i mewn i'r ddaear ychydig bach
- Stwffiwch y paled gyda'r deunyddiau mwyaf yn gyntaf
- Sicrhewch fod y coesynnau gwag, y bambŵ neu’r boncyffion wedi'u drilio mewn rhan heulog sy'n wynebu'r de
- Llenwch y bylchau llai gyda'r deunydd sy'n weddill (gallech adael bwlch bach yn yr haen waelod i ddenu draenogod!)
- Rhowch y palet nesaf ar ei ben
- Ailadroddwch gamau 4 – 7 nes bod eich gwesty o’r uchder iawn
- Rhowch ddeunydd y to ar y top, gan wneud yn siŵr bod rhywfaint ohono’n ymestyn dros ochr y gwesty. Fe ddefnyddion ni weiren i ddal hen deils to yn eu lle
- Arhoswch i’r bwystfilod bach symud i mewn i'ch gwesty!