Anaml iawn y gallwch chi weld dwy fryngaer o fewn hanner awr! Olion o Oes yr Haearn yw bryngaer Llwynda-Ddu a bryngaer Craig y Parc. Fe'u codwyd dros 1,000 cyn y cestyll cyntaf, ac roeddent yn aml wedi'u creu o bren a chloddiau, sy'n golygu mai llethrau graddol yw unig olion y strwythur gwreiddiol.

Er hynny, gallwch ganfod llawer dim ond drwy sefyll yn eich unfan. Ystyriwch pa mor bell y gallwch chi weld, a yw'r bryniau'n goediog ai peidio. Yn eich meddwl, ystyriwch pa ffiniau y cafodd y fryngaer ei chodi i'w hamddiffyn, a faint o bobl a allai fod wedi ffitio oddi mewn iddi mewn cyfnodau o angen. Wrth ymweld â bryngaerau, mae'n gyfle ichi ystwytho'ch dychymyg ac ystyried byd wedi'i adeiladu o bren yn hytrach na cherrig, wedi'i roi at ei gilydd â haearn a'i gynhesu gan dân.