Canclwm Japan
About Japanese Knotweed
Rhywogaethau estron goresgynnol (RhEG) yn y DU o dan Atodlen 9 y Ddeddf Bywyd Gwyllt a Chefn Gwlad. Felly, “mae’n drosedd plannu neu achosi mewn ffordd arall i’r rhywogaeth hon dyfu yn y gwyllt”. Mae'r dail yn wyrdd ac ar siâp pen rhaw. Mae'r coesyn yn tyfu mewn siâp igam-ogam.
Y broblem
- Yn debyg iawn i rywogaethau goresgynnol eraill, mae Canclwm Japan yn tyfu mewn clympiau trwchus gan achosi iddo ddisodli planhigion brodorol Prydain a lleihau amrywiaeth planhigion. Mae colledion yn yr amrywiaeth o blanhigion brodorol yn arwain at newidiadau mewn cynefinoedd a cholli bywyd gwyllt brodorol.
- Gall Canclwm Japan dyfu cymaint â 10cm y dydd. Yn hytrach na chael ei ledaenu trwy wasgariad yr hadau, mae Canclwm Japan yn cael ei ledaenu o goesynnau neu wreiddiau wedi’u torri (rhisomau). Gall hyn ddigwydd pan fo pridd sy'n cynnwys y gwreiddiau yn cael ei adleoli.
- Oherwydd cyfraddau twf cyflym, gall y planhigyn ddifrodi adeiladau, adeileddau, tarmac a phalmentydd, wrth i'r planhigyn geisio tyfu drwyddynt, gan achosi craciau a briwsioni.
- Gall y gwreiddiau dyfu hyd at 3 metr o ddyfnder a 7 metr ar draws i bob cyfeiriad. Felly, mae pethau tanddaearol fel pibellau a cheblau trydan hefyd mewn perygl o gael eu rhwystro neu eu difrodi.
- Mae Canclwm Japan yn cael ei drin fel gwastraff rheoledig. Os yw'n tyfu ar eich tir, ni ellir eich erlyn ond os yw'n lledaenu ymhellach yna mae'n bosib y byddwch yn cael eich erlyn.
Yr Ateb
Mae gan Ganclwm Japan wreiddiau caled ac os ydynt yn cael eu gadael yn y pridd, bydd y planhigyn yn aildyfu. Felly, yr unig ffordd i gael gwared ar y planhigyn yw trwy chwistrellu cemegau drostynt neu i mewn iddynt.
Rhaid i chwynladdwyr cymeradwy gael eu defnyddio gan ddeiliad tystysgrif 'Cymhwysedd ar gyfer Defnydd Chwynladdwyr'. Yna gall yr unigolyn cymwys gompostio, claddu neu losgi'r coesynnau wedi duo, wrth gydymffurfio ag Asiantaeth yr Amgylchedd. Bydd y broses hon yn digwydd bob blwyddyn fel arfer, hyd at deirgwaith.
Prosiect Llwybr Mawr Morgannwg