Y Gynffon Las
Y Gynffon Las
Cyflwynwyd y Gynffon Las (neu’r Goeden Fêl, neu Gwt yr Oen!) i'r DU yn y 1890au. Erbyn hyn mae'n olygfa gyffredin mewn gerddi, ardaloedd trefol a thir gwastraff, fel ar hyd ymylon rheilffyrdd. Mae gan y Gynffon Las goesynnau prennaidd a gall dyfu i tua 5 metr o uchder. Mae'r dail yn wyrdd ac wedi'u danheddu â blew mân oddi tanynt. Mae'r blodau pitw wedi’u grwpio gyda'i gilydd mewn siâp côn. Maent yn borffor neu'n wyn yn y DU fel arfer, ond maent yn dod mewn llawer o liwiau eraill gan gynnwys pinc, glas a melyn.
Y broblem
- Mae’r Gynffon Las yn ffynhonnell neithdar ddeniadol i wenyn a gloÿnnod byw sy'n gwneud iddynt ffafrio'r rhywogaethau goresgynnol dros blanhigion brodorol y DU. Mae hyn yn golygu nad yw rhywogaethau brodorol yn cael eu peillio, a gallant farw heb gynhyrchu unrhyw hadau ar gyfer planhigion newydd.
- Mae’r Gynffon Las yn cynhyrchu hyd at dair miliwn o hadau'r flwyddyn, gan arwain at ledaeniad cyflym.
- Mae’r Gynffon Las yn rhywogaeth dal, berthog sy'n cysgodi a dominyddu llystyfiant brodorol llai y DU.
- Gall Cynffon Las sy’n tyfu mewn pridd neu ar lannau afonydd achosi erydiad difrifol.
- Gall y Gynffon Las dyfu mewn holltau bach sy'n gallu achosi difrod strwythurol i balmentydd, waliau, ac adeiladau.
Yr Ateb
- Gallwch balu Cynffonau Glas bach allan gerfydd eu gwraidd.
- Efallai y bydd yn rhaid i blanhigion mwy neu blanhigion sy'n tyfu o fewn strwythur gael eu trin yn gemegol drwy chwistrellu'r planhigyn â chwynladdwr.
Prosiect Llwybr Mawr Morgannwg