Yn le da i’w ddefnyddio fel man cychwyn ar gyfer teithiau hirach, gwnaiff cwm dramatig Llanharan a choedwig gyfagos Llantrisant, sydd ei hun yn frith o goetir hynafol, roi diwrnod o deithio na fyddwch yn ei anghofio’n fuan.

Taith i fyny ac i lawr drwy fryniau a dyffrynnoedd glas Bro Morgannwg, a phentref dymunol Tregolwyn yn ganolbwynt i'r cyfan, gyda'i gyfoeth o chwedlau ac arglwyddi'r oesau tywyll.

Gyda'r gwaith ailddatblygu naturiol rhyfeddol sy'n digwydd ar ei lwybrau troellog, drwy brosiect Llwybr Mawr Morgannwg, mae Gwenfô yn llawn cyfleusterau defnyddiol i wneud bywyd yn haws wrth groesi tirlun bryniog Bro Morgannwg.

Dyma ardal brydferth sy'n frith o gronfeydd dŵr, tyrbinau gwynt, coetiroedd a dyfrffyrdd. Bob munud byddwch yn gweld rhywbeth newydd i ryfeddu ato, neu gyffrous i reidio drosto.

Taith gylch sy’n amgylchynu ymyl ogleddol Maesteg, yn llawn golygfeydd, rhosydd gwyntog, coetiroedd, copaon a chafnau, gyda’r dref ei hun yn lle delfrydol i ddechrau’r daith.

Llwybr sy’n pontio’r bwlch rhwng dwy fryngaer hynafol, yn ffinio ag esgyrn hen drac rheilffordd cyn esgyn i goetir glas toreithiog. Mae'n ddechrau neu'n ddiwedd gwych i lwybr sy'n ymestyn yr holl ffordd o Gaerdydd i Bontypridd a thu hwnt.

Dringad drwy goedwig serth, yn gyforiog o olygfeydd hyfryd o ddyffryn Aberdâr islaw, a geir drwy ambell i gipolwg gwefreiddiol drwy’r coed. Mae gan bentrefan bach Llanwynno fwy o dreftadaeth yn ei ddau adeilad nag a gewch mewn rhai pentrefi mawrion!

Gan ffynnu ar ei dreftadaeth a’i fflora, mae Dyffryn yn gyforiog o blanhigion hardd, coed gwyllt a phrin ac ysblander urddasol yng nghanol y Fro. Mae'r ddwy siambr gladdu hynafol gerllaw ymhlith yr enghreifftiau sydd wedi'u cadw orau drwy'r wlad, a byddant yn eich cludo'n ôl i fyd cyn dyfodiad metel.

Ac yntau’n bentref prydferth sy’n frith o bron i 1,000 o flynyddoedd o hanes, mae Saint Hilari yn le gwych i ddechrau neu orffen taith. I’r gogledd o’r pentref, mae copa Bryn Owain yn cynnig golygfeydd ysgubol o Fro Morgannwg, a dyma safle un o frwydrau mwyaf llafurus Owain Glyndŵr yn erbyn y Saeson.

Ar hyd y llwybr parhaus o straeon a fydd yn eich cyfareddu, byddwch yng nghysgod Castell Ogwr, sy’n nodi’r canrifoedd o hanes sy’n aros i gael eu darganfod ledled Bro Morgannwg, tra bod y dirwedd yn rhoi lloches i’r glöyn byw mewn mwyaf o berygl ym Mhrydain.

Ewch am antur ar hyd ehangder twyni uchaf Cymru (yr ail uchaf yn Ewrop!), cyn chwilota’n ddwfn yn neiliant llaes coetir gwirioneddol hynafol.

Gydag ychydig flas o bopeth, mae Cwm Ogwr yn gyfuniad o goetiroedd pen bryn, yr Afon Ogwr yn llifo’n ddisglair, a dringad egnïol i fyny i’r mynyddoedd uwchlaw’r dyffryn, lle cewch olygfeydd panoramig trawiadol o dde Cymru.

Yn gorwedd uwchlaw canolbwynt y Cymoedd, mae mynydd y Werfa yn llawn gwefr, golygfeydd a chysylltiad dwfn â’r ddaear o’i gwmpas, fel man cychwyn emyn enwocaf Cymru.